X
تبلیغات
رایتل
قالب قدیمی تر وبلاگم : شعری به یاد مرحوم « حاج علی آقا غفاری فرد » فرزند « کربلایی علی اکبر » ! - لاکتراشان ؛ روستایی ییلاقی در تنکابن
این وبلاگ سعی دارد تاریخ و آداب و رسوم و اخبار و اتفاقات روستای ییلاقی لاکتراشان را هر چه بیشتر برای بازدیدکنندگان معرفی کند .
 
جدیدترین یادداشت‌ها
 
شعری به یاد مرحوم « حاج علی آقا غفاری فرد » فرزند « کربلایی علی اکبر » !


نیاک ایجه ، نِمِک نَزِن می زخمه

می شعره خاندِری ، وِگیر تی اخمه

 

حاج عِل آقا یه سرگذشت ِ بُخان

خوجیر که فکر کِنی ، بُنی هراسان

 

نصف ِ شبِی را دَکِت از لَکتِشان

هَلَه اذان ناگوته ، بُمَه گیلان

 

یه روز هَکِرد برنج زِمَه ، هاله واش

تولون بابا وی بَدِن و پای ِ خاش

 

غذا بُخارد نُخارد ، اُجه راه دَکِت

پَرِیته از گیلان ، مِثان ِ سَرِت

 

خسته بَدِن وقتی بُمَه لَکتِشان

مَردِلی دِی ، تازه بادوشت گاوِشان

 

از وی کشاورزی اگه باگوم شعر

یه روزه راه می کاغِذه شعر ِ وِر

 

خِشتی زِمی ، گِلکَند ِ کادان ِ وَر

چاله زِمی ، تا جار مَلّه وَراوَر

 

این زِمی شان ِ ، تِنهایی بور گیته

عرق وی صورت چِکِس ، عین ِ تیته

 

کشت و زراعت همه مِنا سَر با

نجّاری اَم اُنه دس ِ هنر با

 

لاکتراشان زمانی کدخدا با

چه شور و حالی دل ِ مِن به پا با

 

کُرا باشا حاج عِله قا رِشیدی ؟!

گردِنه تاب دِنی به چی امیدی ؟!

 

بازَم حیا نَکِردی ، سر جار دره ؟!

خُشتِره شیر دانی و دِشان وَره ؟!

 

هیچ کَسه دنیا تا اَلَن رَحم نَکِرد

با خُشِلی بیارده ، با زور بَبِرد

 

خوجیر نیاک ، تی کت و کول شِل بابا

عِین ِ مِهی سفید ِ اَشپِل بابا

 

جان ِ بِرَر ، دنیا جی عبرت بِگیر

اَجل بیَه ، جوان نداره یا پیر

 

لاکتراشان کیا دابان ؟ یاد هَکِن

اگر تونی اُشان ِ جا ، پا دَکِن

 

قربانعلی ، یوسفعلی ، کبلِلِکبَر

بیَه بَریسی تا به ملّا قنبر

 

 کدخدا ممدِلی و مِش مارمِلی

مشتی مراد علی و عباس علی

 

عبدِل ِ مرحوم و بِرَر وی نصرت

دسّی دسی ، آغوز دار ِ سر جیرکَت

 

چِندی باگوم دنیای ِ نامردی یَه ؟!

چِندی باگوم تا تو بِفَهمی چیَه ؟!

 

حاج عِلِ قا جی که رِشیدتر نیِه !

اُسّا تقی جی که تو بهتر نیِه

 

تازه مره یاد بُمَه ، اُسّا صَفَر

چِندی بیچاره دُو هَکِرده هَدَر

 

وقتی مره نام ِ ایشان یاد بُمَه

خون باشا می دل ، مِره فِریاد بُمَه

 

ایشان ِ نام ِ باگوتُم یک یکی

یه ذرّه عبرت بِری ، چیزی وَکی

 

زوازوری دنیا کین ِ پوت هَنِک

تی عمر باشا ، بُمانِسه یک هَتِک

 

جان ِ بِرَر ، حبیب ِ شعره بُخان

قدر ِ تی پِر و مآره ویشتر بدان

                                            ( عقیل پورخلیلی )



(1 لایک)
نظرات (0)
امکان ثبت نظر جدید برای این مطلب وجود ندارد.